我的新興趣

2005年9月28日
乙酉年八月廿五
凌晨

〈相機〉
9月26日，O記終於宣佈其下最新DSLR E-500。
公佈規格同早前網上流傳大同小異，對我老Blue來講無乜驚喜，
因為意料之內，問題係呢部新機可唔可以吸納到新用?加入O記咁解？
我就希望快D有E-1後繼機消息啦！

〈模型〉
呢幾日我老Blue又忙埋D無謂野，
自從睇完田島久照個本高達寫真集，
心想一試。
一次過可以滿足三個興趣﹣模型、攝影、電腦。
諗落幾過癮咁！
但係心諗一來自己砌模型又唔叻個隻，
二來實在自己真係邊有咁多時間砌先得家！？

心念一?，
自己買埋咁多HCM Pro 高達模型，計下計下有成十幾隻咁多。
但係見模型色水因為膠得滯，好唔好重新上過油呢？
於是就係咁去左模型鋪買左D模型油、油筆之類。
自童年至今都成廿年未掂過呢科野，
一時間悲喜交集，
悲，係因為成廿年無掂過，成日油到過哂界，勞勞氣氣咁！
喜，係因為好有挑戰感，好新鮮。
經過兩日兩夜耕苦奮鬥之後，
雖然效果同理想相距甚遠，
但滿足感真係好大！

第二個作品正努力進行中！

Blueman