隔離的感受

2006年2月19日
丙戌年正月廿二（雨水）
夜

〈耳機〉
呢兩日放假，百無聊賴。
都係一個人出左旺角行街睇下潮流野。
當然唔少得一路行街、一邊聽歌啦！
唔知係咪個對耳塞E-2c俾我戴鬆左呀？定還是俾我習慣左？
開始戴得容易左、入耳左！

今日，我老Blue為左下次私影有更好效果，
到左九龍塘Page One書店睇有關攝影人像書，
希望「睇」多Ｄ靈感（抄橋）！
企左成粒鐘，有唔少「收穫」。
最正係戴住呢對E-2c，好似與世隔絕咁，
可以好自我既環境下，好專心之下咁企起書店咁睇書，一流！！

睇完書，跟住出左旺角行多陣。
星期日，我老Blue未試過咁「靜」咁樣起旺角行街，
戴住呢對E-2c真係完全聽唔到人地講野。
好靜，好靜.....靜到只有音樂聲！

其實，諗落都幾得危險！
希望，對E-2c煲多百零二百個鐘會更好聲。
下一對就諗Westone UM-2，哈哈！！

Blueman