DChome.net

2006年1月31日
丙戌年正月初三
夜

〈個人〉
新正頭我老Blue起呢度同各網友講聲“新春大吉“、“萬事勝意“！
可惜，我老Blue一開年就並唔夠運。
點解？一踏入年初一，自己個肚唔知發生乜野事？
絞肚痛兼一日嘔左三次！！！
經過兩日清茶淡飯之後，今日（初三）先至好番Ｄ！

〈論壇〉
我老Blue自從十七年前開始玩攝影、玩相機到依家。
由傳統全手動單鏡機到依家DSLR，
當中有舊影友淡出，亦有新影友加入，
好不精彩。
自從互聯網、數碼相機普及，衍生好多各式各樣既論壇。
自己亦起五年多前加入本地第一個有關數碼相機既論壇﹣DChome.net。
亦從中認識好多早期「老牌會員」，
不過，經歷左咁多年，早期會員起論壇「發表」次數越來越少....。
自己亦都少左參與「討論」。

理由我老Blue明天再講，
因小弟身體不適，唯恐詞不達意！

Blueman