眼高手底

2006年4月9日
丙戌年三月十二
凌晨

〈模型〉
4月8日，呢日我老Blue收通宵之後，
起左身拿拿?開工砌埋副舊渣MG。
經過左一晚奮戰，終於跟說明書上指示咁完成組裝，
玩模型我諗最過癮既過程莫過於組裝，
更可況由BB高達轉到玩MG,
更加大比較！

MG出名造模精細，活動範圍大。
但如上回Blog自己提過，想加點心思落去，
就係發覺原身MG版舊渣刻線位比較單調。
自己諗不如加D輔線，感覺會更實在D。

就係咁，小試牛刀開始學人咁刻線上去。
起D舊既模型輔件作練習，一刀一刀咁試......
嘩！果然比想像中仲難控制用刀既力度！
有想過放棄原先自己既設計。
最後，再比多次機會自己再試，
如是者翻複練習之後，開始實戰，
一刀一刀咁慢慢刻落去隻舊渣手臂到。
效果並不太理想，又一次証明自己眼高手底。
不過，都係一個新嘗試！

過多兩日，當組件完全固定哂之後，
自己再考慮需唔需要繼續啦！

Blueman