偷閒一小時

2007年4月24日
丁亥年三月初八
夜

〈咖啡〉
自從今年農曆新年，我老Blue屋企樓下開左間「大X活」快餐之後，
已經絕少幫襯附近去開個間茶餐廳囉！
因為「大X活」賣既即磨咖啡又平又合我口味，
加上以前去個間街坊茶餐廳，
入面好多茶客多數係D老街坊，
佢地入去並唔係歎茶，
而係想同D街坊聚舊或者打下牙較咁......。
如果想收集下街坊有乜八卦、波馬情報，
無錯，你揾啱地方嘞！
但係，如果好似我老Blue咁，
一訓醒之後，想靜靜地咁歎杯提神咖啡兼且歎下一個鐘頭報紙嘅話（下午飯市另計），
家陣樓下間「大X活」反而俾到我要嘅要求喎！
可能D老人家唔多Like走年青人路線既快餐店卦？

呢個係我老Blue最近其中好享受既樂事。
本想仲有其他閒話想再起到講下、分享下，
不過，由於時間關係，
希望第日可以有機會起到再談。

Blueman