PDA與記事簿

2006年1月2日
乙酉年十二月初三
夜

〈電腦〉
尋晚，我老Blue返通宵班。
由於連續幾日假期，工作量相對少少好多。

其間，同工友﹣老全請教有關上網睇財經資訊技術分析大小事項。
依家網上資訊，不論付費或免費都非常豐富，有點消化不良。
平時自己都有本筆記簿仔，方便自己不論上網或睇報紙，
發覺有用既資料會用筆抄低佢。

不過問題來了！
自從要學睇財經以來，要睇既資料越來越多。
不斷抄下抄下，亦越抄越手軟，有點罰抄既感覺？
都唔緊要，最弊係圖表點畫呀？
好似尋晚咁，閒閒地都打印左七、八十個圖表。
真係有成本書咁厚！
諗諗下，咁樣落去唔係辦法...........。

今日，諗起用PDA嘗試解決問題。
走去電腦商場睇下有乜新PDA？
結果，可惜無乜邊部PDA對應Mac機中文化！

唯有繼續用本手抄筆記簿啦。

Blueman