非常勞動

2006年5月2日
丙戌年四月初五
凌晨

〈工作〉
5月1日，是日為勞動節公眾假期。
可惜我老Blue份工係輪班工作，今日都係要繼續返工啊！
返早，同預期之內，由於假期前好多工作一鑊過推埋來，
檯面上既文件山咁高，
好彩得工友恆仔大力幫手先慬僅攪掂！

收工，見有時間屋企仲未開飯，
途經旺角睇下有無D心水模型買？
結果係無！問過原來五月中、六月頭MG會大量返貨，
好多之前買斷既型號會返番，真係！？

夜晚，繼續噴我既MG模型，
今晚，終於噴哂隻MS-06 渣古及隻吉姆改亦噴左一半色啦！
由於唔多識打理支新噴筆，攪到尋日用完積左好多油無洗到，
噴到好now教，有D組件更需要洗過浸油，
重新上過油，好煩！

今日，勞動節，
我老Blue不論工事或私事都好勞動下囉！

Blueman