鄭健和的火龍

2006年6月21日
丙戌年五月廿六（夏至）
夜

〈個人〉
食過醫生開既感冒葯，
一口氣訓左十幾鐘，出左一身汗。
感覺好好多！
下晝訓醒，今日陽光普照，呢個月未見好似今日咁好天氣囉！

〈漫畫〉
前幾日見到鄭健和（大多數叫佢做和仔）新書出左。
呢本叫“火龍“既漫畫，以日本漫畫黑白及包裝形式推出，
自離開肥良班底後自資既新書。

香港漫畫家主筆除左先前提過既邱瑞新及葉明發外，
和仔亦係我老Blue比較喜歡既本地主筆之一。
所以，佢既新書一出即刻買上手，
不過，好老實今次佢既新書﹣火龍封面就真係差左Ｄ喎。
自己買左都擺左三幾日先?上手睇，
睇完之後，覺得都唔錯。
一貫和仔流暢及講故事有條理分明既風格，
唯獨本漫畫頭段同中、後段畫風有點出入，
可能和仔仲未上手卦？

不過，今次和仔既漫畫暫時無令我老Blue失望，
當然期望佢會發揮更好既水準，
為本港漫畫界帶多點火花！

Blueman