Etymotic ER6-14兩節耳膠

2006年10月31日
丙戌年九月初十
夜

〈耳機〉
自八月中我老Blue購入左對心儀既耳機Westone UM-2後。
聽左都好幾個月，
音質當然滿意，
但係有少少問題！
問題就係跟機配送既原廠長短耳綿耳塞，
好用就好用，
不過由於柔軟發泡膠質地問題，自己通常出街先用，
好多時帶下除下，攪到平均一個月用爛一對，
另外買既話就平均一對$30，
（一般耳塞既海綿耳套只係$10唔駛有交易！）
長遠落去，其實好唔化算！

今日，趁有時間諗住又要花錢買定對「士啤」防身啦。
入到常去既鋪頭，見到有隻Etymotic牌子既兩節膠耳塞可以俾對UM-2用，
同耳綿價錢一樣買$30一對。
問個sales兩者有乜分別？
佢就話音質梗係耳綿好D，
而耳膠就隔音好D又耐用D........。
就係咁每樣買左一對。
返到屋企試過新個對耳膠，
好處係容易戴、隔音又好左咁；
弊處係高音比起耳綿有少少「聞」。
希望用耐左會適應啦！

〈假期〉
雖然放大假自己無出埠，
但係一樣咁無事忙咁！
例如，趁有時間執下自己間柴房（非常細小既工作房），
清理下D堆積左好耐既銀行、保險單據之類既野。
又例如自己執下間房先發覺自己有好多之前去旅行駛剩既散銀亂咁放，
於是買左個盒仔裝起哂。
行街無啦啦為左遲D玩War Game，
?到買左幾本關於戰術技巧既叢書，
依家睇緊，發覺幾過癮下喎！
就係咁無無為為咁過時間，
幾乎連模型都無時間砌！！

Blueman