電影﹣墨攻

＊＊歸家途中拍下，諗起公司呢一年公司都有唔少同事成為媽咪喎！＊＊


2006年11月24日
丙戌年十月初四
夜

〈電影〉
尋日（11月23日），
自己走左去睇新上畫既電影﹣墨攻。
呢套由張之亮導演、徐小明?製、劉德華主演，
改編至日本同名漫畫既戰爭電影。
睇完之後，感覺好大制作，
好耐無睇過一套唔係拍俾老外既中國式古裝電影，
兼且題材及手法都比較認真、嚴肅，
唔好以為有劉德華就係一套商業片，
D對白都要有耐性咁去消化，
或者係我老Blue唔係好了解墨家學說啦。
呢套戲除左用中國歷史咁講戰爭既定義及殘酷外，
亦好講當權者對權力既慾望！
幾有意思。

〈模型〉
今日，我老Blue終於用左四日時間，
素組左手上最新既MG模型-ZETA plus C1。
呢隻野砌下砌下完來都唔輕鬆，
D部件好多部份都又多又細緻，
一個唔留神，好容易按錯位。
最意外係支掛手式長距離大砲，
砌完用把尺度下先知道有成27cm咁長！！
應該係我老Blue砌左咁多隻MG以來最大碌既武器囉！
希望呢個假期可以完成埋佢。

Blueman