假期在風雨下展開...。

2008年7月6日
戊子年六月初四
夜

〈假期〉
呢日開始係我老Blue今年第二個長假期。
由於美元弱勢港元掛勾下，
今個假期無打算出埠玩囉，
而係打算留港消費。

自己又乜計劃呢？
有！希望可以砌埋攪咗好耐嘅1/60 Gunam Exia。
呢隻嘢真係氹咗好耐都未完成，
始終比例系列同MG系列組立精密度及簡易度都仲有一段距離....。

至於攝影，好不幸第一日假期就已經落大雨，
希望嚟緊嘅天氣會好轉啦！
可以出去映返幾轉相都好吖。

〈眼鏡〉
噚日，我老Blue終於換咗新鏡片，
點解唔配過副新鏡架？
原因自己好喜歡上一副舊鏡架勝在夠輕，
對於工作及娛樂都長期面對個電腦「芒」，
一副輕嘅鏡架都好大影響！
不過，今次配鏡片相熟嘅視光師同我老Blue講話我近視無加無減，
都係咁上下度數喎！
好事。
家陣載咗呢副舊鏡新片，
又輕又舒服！

Blueman