第七日

2009年2月10日
己丑年正月十六
夜

〈攝影〉
噚日係農曆正月十五，即所謂“元宵佳節”。
我老Blue同埋班工友去咗映市政局攪嘅元宵花燈，
為期三日。
查實呢個花燈晚會有三個場地，
我老Blue因為返工緣故，
祇能去到荃灣沙咀道球場同埋噚晚位於土瓜灣嘅高山劇場，
另外位於大埔海濱公園就去唔到囉！！

由於噚晚係「正日」嘅關係，
人潮比預期仲要多，
我老Blue同其他朋友映得一、兩位之後，
好無癮咁就完成呢個攝影項目，
好彩之前去呢個荃灣因為係球場關係兼且係第一日，
映得比較暢快。
呢兩次映花燈自己最大目的係繼續玩HDR攝影，
原來夜間玩HDR係好高難度，
夜間光度配合花燈顯得光差好大，
好惡攪.....。

〈影視〉
最近自己除咗忙於攝影、油下模型外，
亦會抽時間「煲劇」，
當然係我老Blue至愛「Gundam OO」啦！
呢套以現實AD年代為背景嘅高達，
越睇越有味道，
編劇「黑田洋介」真係有啲料到，
劇力越推越緊，掂！！
另外，除咗動畫外終於等到Fox皇牌美劇「24」第七季，
呢季唔再有CTU，發生地點亦唔再係L.A.而係起華盛頓，
感覺比較新鮮，
主角Jack Bauer一樣咁燥狂咁做嘢，
繼續咁癲，好正！！
雖然呢套戲劇情其實每季都係發生一日廿四小時，
一日𥚃面點可以發生咁多事呀？
但係自己唔知點解一日廿四小時都唔係好夠用咁？

Blueman