碎紙機

2005年12月6日
乙酉年十一月初六
夜

〈個人〉
今日繼續我老Blue「既」清理柴房行動。
估唔到執房會成為我老Blue今個長假主要節目！？

尋晚執執下房「 既」時候，
發覺有積積埋埋好多不必要；
但又唔可以隨便亂咁丟「既」垃圾。
呢Ｄ就係過期稅單、各式各樣「既」月結單、保用證及私人書信等等！

新聞太多關於盜用行騙個案，
由於以上棄存文件涉及太多個人資料，
所以一直都保存住，但係實在太多！

今朝出左去旺角某細書局，買左個好平既家用電動碎紙機！
誰不知買左返屋企用「既」時候，有問題？
點解用左十幾分鐘就停鬼左架？
心諗唔係咁神化呀？
正想打算拎返落間書局理論之際，
乍見份說明書原來話如使用太耐會自動停止運作，
直止降?先至重新運作。
下，咁都得？果然家用機！

如事者，玩十幾分鐘就停十幾分鐘。
停機既時候，我老Blue當然爭取時間，用人手撕住先！
就係咁，足足有成十年既垃圾文件，
用左我老Blue差唔多成四個鐘頭（因為仲要睇下分下邊Ｄ仲有用），
最後部碎紙機仲俾我攪到唔識碎紙，
淨係識空轉（嘰嘰.......嘰嘰............)!
咁算唔算壞左定部機同我老Blue投訴多野做先？
平野無好？定要求過高？(No answer!)

本來仲想講下D呢十年點解咁多文件、咁多信？
不過，由於時間關係，留返下次再有機會同大家講！

Blueman