鬧鐘

2006年6月29日
丙戌年六月初四
夜

〈鬧鐘〉
今日我老Blue放假。
起炎炎夏日，繼續匿起屋企砌模型啦！

傍晚時分，手頭上應該噴色既部件都七七八八。
跟住落樓下買左個新鬧鐘，
因為其中一個後備鬧鐘終於前幾日「倒斃」，死因不明個隻....！
講起鬧鐘，自己一直用開兩個鬧鐘鬧醒自己，
分別擺起屋企唔同位置，
夏天作用唔算大，不過起冬天尤其返早，
作用就好大囉！

呢件事早幾日同工友講開，
個位工友佢仲誇張，由於佢經常返早兼且夜訓，
佢同我老Blue講，話佢自己要用到四個鬧鐘先至安全喎！
但係亦有工友好掂下，
佢無任何鬧鐘，衹係見佢用自己既手提電話較響鬧就夠，
絕少見佢遲到！

Blueman