MG武器完成

2006年6月23日
丙戌年五月廿八
凌晨

〈模型〉
我老Blue自完成左七隻MG模型之後，
遲遲都未肯攪MG跟身既武器，
原因係見過坊間及好多高手對武器上色各師各法，
小弟尚未心得要領？

但係再咁砌落去真係越積越多喎！
因為MG版平均一隻都有兩三枝槍砲做附件。
於是，把心一橫當真槍咁上色，
只因見過好多高手多數以原著設定加上高超噴色技巧！
自問未有咁既本事做到囉。

基本上機槍用上啞黑作基本色，
再用MIG既GUN METAL舊化粉塗裝，最後掃上少許MIG-COPPER RUST完成。
估唔到簡單快捷既程序換來意想不到咁好既效果！
至於較為長身既大砲則用上暗灰色作主色，
只不過暗位加上少許MIG-SMOKE BLACK舊化處理便算，
比較簡單易辦！
就係咁一口氣由試辦到完成都用左我兩、三個鐘，
先至攪掂哂十幾枝槍砲！
好彩之前買定個大膠盒，
先裝得哂咁多枝軍火咋！

跟住落來當然可以開盒砌模型，
下隻MG應該會係MS RX-79 [G] GUNDAM（陸戰型高達）。
終於係時候砌高達囉！
RX-79 [G]> Ez-8> RX-93
期待.....。

Blueman