熱昇華打印機

2008年4月23日
戊子年四月十八
凌晨

〈印相〉
噚日，我老Blue同好友恆仔出MK，
兩條友見「百記」擺咗部C記出4R嘅熱昇華打印機CP740，
見個價錢賣緊$5XX幾抵玩，
一人托咗一盒各自返屋企。
點解會買呢？
因為發覺好多時起屋企想即興Print張相，
但我無咁好心機等一次過十幾廿張先至攞出去哂相，
於是見部機幾舊水打印每張成本為到$1.5，
價錢都可以接受！
返屋企即刻開盒玩呢舊新玩具，
安裝過程都算簡單，
跟住開幾張相打印睇下出嚟效果如何先？
試咗幾張之後揾啱自己最佳嘅色彩設定，
發覺效果比即場試機效果出乎咁理想，
可能係熱昇華打印嘅關係，
比用同價位家用嘅InkJet打印機效果好，
無咗一般InkJet嘅墨點存在，
只要色彩設定正確可接近街鋪曬相效果！
但係由於過程全權操控，
免除咗街鋪不穩定嘅色彩因素，
加上相紙兼具防褪色、防指模、塵粒及水點功能，
咁嘅價錢都算抵玩嘅玩具，
有興趣嘅朋友不妨買部玩下！

Blueman