九號風球下...

2008年8月22日
戊子年七月廿二
夜

〈天氣〉
噚日天文台已經講咗有個大風暴叫「鸚鵡」集結香港外圍。
今朝好快咁天文台就掛上8號，
由於自己工作關係，
個風打成點只要共公交通工具有開都要返工.....！
就係咁今日我老Blue冒住狂風暴雨返工嘞。
當然打風落雨工作相對少好多好多，
因為通常打完風工作先至最混亂....。
最後，打到九號風球之後，
公司提早放人，
因為再唔收工，
有機會連「地鐵」都無得搭囉，
咁就被迫留起公司過夜嘞！！
不過，收工亦唔見得好事？
因為收工嘅時候，
風勢仲好大，由地鐵徒步返屋企都有一段路要行，
結果同「鸚鵡」搏鬥咗三幾個字先至返到屋企，
相當刺激....（可一不可再嘅感覺）。

Blueman