工友﹣飛機婚筵

2006年5月22日
丙戌年四月廿五
凌晨

〈個人〉
5月21日。
工友﹣飛機呢日結婚，宴請親朋。
各方好友齊到賀，場面十分熱鬧。
我老Blue在此祝願一對新人百年好合，永結同心。
開始邁往人生新既階段！

不過，今次有工友擺喜酒感覺同以往有點分別。
原因係由於至去年開始，
公司請左一批新人，當中好多仲係年輕少女、青春少艾。
經過一年混熟，好多新女同事今晚亦有應邀出席。
平時出席同事喜筵，大多相熟同事都係牛記笠記上陣，
今次多左呢班新同事，位位女同事都勁裝上陣。
同我地呢班老鬼裝束形成極端對比！

另外，起往時不論埋席及散席，
一班工友都煙酒不離、大呼小叫，非常平民。
今次唔知係好多同事年紀漸長，（公司呢排好多同事相繼誕下Baby）
還是多左好多女同事，大家都靜左同埋斯文左！

席後，一眾工友相約女同事去唱K直落。
我老Blue無跟隊，只係同兩個工友落左去茶餐廳吹水，
傾下公司前景、講下前途及未來。
結論係我地呢D中年打工仔並不樂觀....。

我的「十年計劃」亦要作出最壞打算！

Blueman