銀包

2006年5月30日
丙戌年五月初四
早

〈個人〉
尋日，我老Blue放假。

原本打算留起屋企砌模型，但係中午起左身之後Call左工友K5食飯。
跟住兩條友起旺角週圍遊，
諗起自己個個銀包同埋個散銀包都用左好耐兼好殘下，
於是覺得係時候買左個新既替換。
睇左好耐，好多有牌子要上成千銀以上，
自己仲覺得銀包係要來裝錢既！
如果買左個貴銀包反而無錢裝有點本末倒置，
不過，身邊的確認識唔少人係咁樣喎！
結果，自己買左個二百幾蚊覺得會幾實用既牛皮銀包。

夜晚，工友阿著出來吃飯。
飯後，佢話隻錶壞左，要買個隻，
結果，陪佢去睇表，最後買左隻精工石英行針表，
簡單實用！

唔知係咪人大左定老左，
好多時買野唔會俾自己好高要求，
可能用得既錢唔多，要買既野及要用既夠用就算囉！

呢幾日仲係落住毛毛細雨，心情都有點納悶....。

Blueman