MG骨架

2006年6月5日
丙戌年五月初十
夜

〈公司〉
今日公司有工友﹣邱隊長Last Day，
佢老哥得償所願終於跳槽成功，
過檔榮昇經理級人物，可喜！
呢排公司除左邱老兄上位外，
亦有唔少同事紮職或轉投其他部門。
佢地絕對唔係講運，當其他人去玩既同時，佢地之前做左唔少功夫，
有係個句：機會往往係俾做足準備既人。

年頭開始，自己評估過形勢及個人能力。
知道乜野可以做、乜野唔可以做，
希望亦都可以實現自己既「十年計劃」啦！

〈模型〉
今日我老Blue收工途經旺角，
發覺幾間模型鋪入面D高達模型高水左，
平均昇幅有成一成至兩成，
唔通同日元昇水真係有關係？
好彩我老Blue屋企D「存貨」好多都係低位入貨，
呢鋪真係有買錯無買貴囉。

尋晚，為兩隻MG噴色個陣除左內骨架未上好色之外，
其餘大致上好哂。
因為發覺MG版後期產品好多都以全骨架做內膽，
依家砌緊個D只係得部份骨架展示。
但係跟住砌個D MG高達都係用全內骨架設計....。
於是想令內骨架整體更具實感，
諗起有好多模型高手及展品，內骨架用上之前提過既美國金屬噴油。
但係好多展品大多以高光銀金屬上油，
自己參考過廖工友手上既軍事雜誌，
大多偏向暗黑及低光度金屬色彩。

但係自己手頭上既金屬油偏向高光，
於是落左模型鋪買左暗黑既黑鐵色及高光黑底油。
試下由未完成既大魔及吉姆特裝形著手，
希望會帶出理想效果啦！

Blueman