女王的教室

2006年10月2日
丙戌年八月十一（國慶補假）
下午

〈影視〉
今日我老Blue返通宵。
下晝有時間返睇之前預錄既「女王的教室」大結局。

自己一向好少睇日劇或韓劇，
但係呢套“女王“真係令我既驚且喜，
點解我老Blue鐘意睇，
由於呢套戲主題講教育及師生關係，已經好特別兼題材冷門（大多數劇集來來去去都係警匪、愛情....。）。
由第一集睇已經好吸引，
比起個套“我Miss係大佬“高下立見，後者可睇可唔睇！
自己一直有關呢套劇既任何資訊都「自我封鎖」，
希望有追劇既味道！

睇到最後一集，
自己因為劇情行畢業禮個段戲被受感動.......！
好耐無睇過一套咁有意義兼製作認真既日劇，
女主角天海佑希既演出無話可說！！
當中廿多位小學生個個都好好戲，
而呢套戲當中所講既意思，現實又幾多人做到呢？
“自己既一生應該自己付責！“﹣自己遇到挫折有無抱怨或賴自己無運！
“要有勇氣承認自己既錯誤“﹣自己做錯野有無堆?賴人、投資失理就賴大戶做市？

我老Blue最喜歡女主角“真矢“講個句經典對白：
“唔該大家清醒下！！“。
真係好正。

Blueman