孖星與AV

2006年6月6日
丙戌年五月十一（芒種）
凌晨

〈模型〉
尋晚，寫完上一篇既Blog後。
我老Blue急不及待試下用光油黑加美國金屬油上MG部份骨架。
尤於沿用個隻AV model color黑光油無哂貨，
唯有侷住買孖星油性油。

用孖星油性要用專用開油水，有D唔慣。
一直用開AV model color就咁用水喉水就方便得多！
上完隻黑光油待乾之後，
好快咁噴上新買既美國金屬油落部件到！
用左光黑油後，質感果然自然及觀感好好多，
可惜呢隻美國金屬唔需要開，就咁可以噴上去。
耗油量相對大大提高，直係貴買貴用，唔可以亂用！

噴完收工執野，先發覺VJ model color水性油既好處。
平時清洗調色碟就咁起洗手盆開水喉衝幾下就可以，
之但係用油性油又要用番開油水洗工具，
費時失時兼且好浪費。
長期用油性油淨係買開油水成本仲貴過玩AV model color囉。

似乎旺角一見AV油返貨，
有理無理買左Ｄ常用顏色先得，
正所謂：有買錯無買貴！

Blueman