我估不到？

2005年5月30日
乙酉年四月廿三
天晴

「個人」
自從幾日前，部電腦整返好之後，
呢幾日不斷反複試左新系統10.4，
發現有兩個自己最常用的軟件，
Olympus Studio/ Nikon Scan
居然唔兼容。
最後，好無奈之下用返10.3。

「攝影」
前日（29號），
約左朋友出去「私影」，心想呢排天氣唔穩定？
出門都帶左把遮旁身。
點知，個天好都晏晝六點幾重好好光！

Blueman

亂了......!

2005年５月21曰
乙酉年四月十四
天晴

早幾曰，因為感冒未清，
成曰暈暈陀佗。
禍不單行，新買部電腦，唔知點解硬件上有問題？
拎返上行整，起碼有成個禮拜。
好彩仲有部Notebook頂住！

計下計下，呢幾曰又無依計劃走.............
好快又半年，
開始懷疑自己能否完成呢個「十年計劃」？

Blueman

朋友們的第一部DC

2005年5月17日
乙酉年四月初十
酷熱

〈攝影〉
最近幾日，又有兩名工友買左新相機。
分別在於一個係第一部DSLR，由DC仔上DSLR；
另一個就係第一部DC仔，揀部平平地機仔只在旁身。
出發點各有不同，但係共同點一樣係Digital Camera。

現實，無可否認數碼攝影已經成為主流。

Blueman

工友大婚

2005年5月16日
乙酉年四月初九
炎熱

今日31度，天氣報告話今年以來最熱。

〈個人〉
今日，冼工友婚宴。
在此祝賀夫妻倆百頭到老，永結同心。

【飲宴前的黃昏】


Blueman

計劃喚醒

2005年5月15日
乙酉年四月初八
天晴

〈個人〉
今日天氣非常好。
本想出去買部SONY DSC-S40，
好奇怪，明明行到入去相機舖，結果冇買行返出來。
可能，心中的「十年計劃」喚醒我，
又或者S40並不是我老Blue心目中想要的DC仔。
似乎，今日找不到答案。

至於，「十年計劃」中的「24計劃」，
到今日為止，進展尚算順利。
話雖然十年，但係轉下眼已經五月中。
時間真的係唔等人。

【我的24計劃】


Blueman

Memory Stick大熱？

2005年5月14日
乙酉年四月初七
天晴

〈個人〉
今日開工覺感冒，
好彩並唔嚴重，唯有收工早D訓。

〈電玩〉
收工，貓工友同車，
席間，貓工友講呢排PSP、NDS勁HIT！
佢仲話，因為PSP的關係，未來一兩年，
MEMORY STRICK將會大熱買咁話喎！

我老Blue對電玩一直興趣不大，得個哦字。
不過，唔講唔覺，前日出去腦場又真係唔多覺有MS 512Mb/1Gb喎？

Blueman

朋友的4R

2005年5月13日
乙酉年四月初六
天晴

〈攝影〉
今日返工，
工友K帶左佢第一次用DSLR拍下的4R，
唔知點解，我老Blue始終喜歡一張一張的照片咁睇，
多過起個「芒」係咁click。
的確，工友K的相片同起「芒」感覺有D分別。

期待，之後看到更多的朋友的4R！

【附圖—夏天，花開了。】


Blueman

Sony DSC-S40

2005年5月12日
乙酉年四月初五
天晴

今日返早，
收工，天氣勁好，仲好焗熱。

〈相機〉
夜晚，
約左班工友食韓式火鍋。
食飯前，行過相機鋪，
本來想睇下部Fujifilm F10 DC機仔。
見行貨要三千左右，唔係自己定的價位！
但係，臨走前俾我見到SONY新返的DC仔—DSC S40，
四百萬像，三倍光學，ZEISS LENS，2AA MINH叉電，重160G。
我老Blue正正需要的就係咁多，買$1480。
無野好講。
由於趕住食飯，搵日再去夾下價先！ ^_^

【附圖—藍天白雲，好耐無見！】


Blueman

我的24

2005年5月11日
乙酉年四月初四
密雲

〈攝影〉
Olympus的E-300推出新的一機兩鏡套裝。
Body+ZD14~45mm+40~150mm
街價見$7980。
另一方面，Olympus在中國兩個廠房，
裁員達四千多名員工。
可見相機工業競爭可等激烈..........

〈影視〉
新一季電視劇集「24」，已經有得睇！
頭兩小時，節奏比已往更緊湊。
有驚喜！
其實，如果一日24小時做咁多野又無得訓，真係幾弊。
不過，自己好多時，終日無事忙，到頭來乜都無做過！

Blueman

Bandai的新方向

2005年5月10日
乙酉年四月初三
天晴

〈財經〉
下午，無乜攪作。
一邊煲加啡，一邊睇報紙。
睇到信報—狄高的專欄。
9月27日之後，Bandai同遊戲商Namco將會合併，
改名為「Bandai-Namco Holdings」。

Bandai，我老Blue由細到依家買唔少佢產品，
包括依家最新的「HCM Pro」系列。
Bandai，我覺得最強除左擁有兼開發多個出名的動畫版權外，
最欣賞佢產品多年不會固步自封，不斷提高質素，
要不然同一個RX78-2 Gundam，十幾年出左不知幾多個版本，
仍然買個滿堂紅！
今次合併，
可唔可以將Bandai推向另一個層面，期待.........



Blueman

儲存裝置

2005年5月9日
乙酉年四月初二
黃雨，大風

〈時事〉
今日大風兼大雨，
起九號貨櫃碼頭，發生吹跌幾層樓的貨櫃。
不幸，一死兩傷。

〈個人〉
今日休假，
唔知係咪打風落雨，晏晝五點幾先起身，好恐佈。

〈攝影〉
夜晚陪左工友H去買電子相簿。
我老Blue自從轉玩左DSLR之後，得個1G卡出去影相，真係唔係好夠用。
解決方法好多種，最後自己揀左買多張2G卡做後備，取其輕巧方便。
亦有唔少朋友買D大容量的電子相簿作選擇；
亦有朋友出去影野，帶埋部NOTEBOOK都見過！
亦有朋友有1G卡都好夠用，唔駛再買卡都大有人在。
朋友，你係屬於邊一種類？



Blueman

老鼠愛老虎

2005年5月8日
乙酉年四月初一
下午黃色暴雨

〈個人〉
今日母親節，起屋企做節。

〈電腦〉
夜晚，終於的起心頭，
我老Blue當起白老鼠，冒險將新到手的Mac OS-X 10.4 Tiger install。
差不多用左近九個字時間完成。
的確有多細微野唔同左！
除左九方打中文有D唔穩定外，
大致上好多軟件無受影響！

但係最令我高興，除左實用的DASHBOARD外，
就係終於可以同我部手電同步啦！
呢個問題其實都攪左個我個幾、兩個月啦！
今日上左「老虎」之後，俾我攪番正左，
以後唔駛為部電話煩囉！ ^_^

Blueman

私影 Mee

2005年5月07日
乙酉年三月廿九
密雲，間中有陽光

〈個人〉〈攝影〉
今日放假，
影友湯兄有私影，問我老Blue去唔去？去！
下午飯後，一行六人（湯兄、JOE、LEO、馬田、Model—Mee），
上左香港大學取景。

新人—Mee，小女孩一個，面對鏡頭仲有點生硬。
需要一D時間熱身。
今日大家攝影氣氛相當積極，
各自有自己的意念及風格。
又跟到Joe兄學到野！

自己如常又打爆左3Gb Ram。
至於，今日用Film機的Joe兄，
匆匆影左三筒菲林之後，
最後，問Leo兄把玩左一輪Nikon D70，
幾乎停唔到手咁劑！

返到屋企，Upload番D相，
自己越來越滿意部E-300出來的色調。
又係個句：影得唔好，唔關部機事，自己問題！

點都好，今日過左一個好開心的假期。

【附圖】好奇怪？湯兄部相機LCD內藏小松子？


Bruce Kwan

一毫子的新聞

2005年5月6日
乙酉年三月廿八
天晴

〈時事〉
今日返工，搭車聽收音機，
聽到一則新聞，話「地鐵」唔知幾時開始每程收多乘客一毫子，
作為加建月台幕門之用喎！
至今已經累積三億多元咁厲害。
雖然，詳細係點我無再跟進。

不過，我老Blue聽完就覺得好奇怪？
「地鐵」你整幕門，關乘客咩事？
點解要乘客夾錢俾你先？
雖然一個幾毫，唔算係乜！
但係諗諗下唔多通咁喎？

有冇朋友知道呢單野，講俾我Blueman當學下野。

〈個人〉
自己開始對呢個「九方輸入」開始上手。
已經唔再用個唔係咁穩定的手寫版。
同埋，自己呢個Blog都改左名。
一個都幾土味的名字............
不過，覺得簡單又直接幾好呀！哈哈。 ^_^

Blueman

朋友買相機

2005年5月5日
乙酉年三月 立夏
陰晴不定，風勢強勁

〈時事〉
繼連戰返大陸，尋日宋楚瑜又話返大陸！
咁胡、溫幾時遊台灣？

〈個人〉
今日，工友“師傅全”問我老Blue買DSLR一事。
由於入門級DSLR價錢已回落到去年Prosumer級，
好多朋友都心心痕有意upgrade自己部DC仔！
呢兩、三年的確多左好多朋友加入攝影這個活動。
誠屬好事，不過個人意見，
初入DSLR由入門級開始，量力而為，避免不必要的投資。
有興趣才敗家未遲.............. ^_^

〈影視〉
亞視重播的“幪面超人—亞極陀”，
下集已經係大結局，十分期待。

Blueman

睇相文化

2005年5月4日
乙酉年三月廿六
炎熱

今日，遲左起身，攪到返工遲到。 >_<

是夜，收工返屋企。
例牌邊食杯麵、邊上網。
收工最佳娛樂。 "_"

上網睇各影友post作品，
已經成為我老Blue上網的習慣。
其實習慣至今一直都無變，
但係方式就變左。

點解？自己以前睇「既」係一張一張3R/4R，
呢兩、三年睇「既」係一幅一幅Jpeg。
無可否認，自從互聯網、數碼攝影普及左，
自己及身邊的朋友影相多左，
不過自己仍然喜歡相片的感覺。
傳統思想？ ^_^

Blueman

譚工友的新作品

2005年5月4日
乙酉年三月廿六
炎熱

昨日(5月3日)，東隧加幅六成幾，暫未有重大影響。

凌晨，剛剛睇完譚工友在網上發表的“北京之旅”。
不過不失的第一次的旅行作品。
希望譚生下次的作品帶出多些個人風格。

其實，自己出外作旅行攝影，
個人意見及經驗，攝影器材最緊要輕鬆方便。
一旦器材重量成為旅行上的負擔，
便失去旅行的樂趣囉！
所以我老Blue通常出門以一機一鏡為主。

Nikon D70s已經上市，
但聽講出面有人搶D70？
因為有Nikon友講D70遲D可以用firmware更生上D70s的功能喎！
聽講可以慳成千銀咁多..............！
I don't know? @_@

Blueman

The first day of my blog

2005年5月3日
乙酉年三月廿五
天晴

自己開了這個網上日誌。
希望籍此發表一下自己對攝影的一點睇法。
又可以同大家分享一下！

Blueman

中文輸入 + STEAMBOY

2005年5月1日
乙酉年三月廿三
多雲、有驟雨，約30C

踏入5月，天氣終於轉熱，一個遲來的夏天。

1)自己呢幾日由於忙於更生部腦外，
中文輸入都開始試下用九方，
不竟唔係咁想依賴一個極之唔Q可靠的手寫版。

不過，似乎要一段時間先打得快...........希望！
:(

2)另外，蘇工友借左隻STEAMBOY俾我，
正好可以用個新芒睇DVD！
片長144分鐘，呢套大友克洋口的大作，
的確無令我失望！
尤其將19世紀後工業革命，用細緻畫功表演出來。
雖然尾段有D像「明日之後」，但係都好震撼！
:)

Blueman