O記請不要學Contax

2005年8月31日
乙酉年七月廿七
凌晨

〈相機〉
謠傳已久，Ｏ記終於起8月29日公佈有新機出。
不過，並唔係Ｏ記友期待既E-500/E-3，而係全部係DC仔，
仲要係平平無奇，個款連我老Blue對相機外型要求咁低既用家都覺好肉酸！
真係火都來埋！
係用家都知你O記唔夠N記、C記市場、系統咁大。
不過，只要有質素、發展有前景就無問題！
問題係O記，依家E-1又淡出，吹風個三枝銀圈又遲遲未見影。
剩係得部E-300撐場，有鬼用咩！真係撐唔到幾耐咋！
個勢搞到高不成低不就！
知唔知時間唔等人架,
好多牌子做緊野，吹哂風、哎哂口號！

好似我老Blue咁，本來對O記質素唔會有懷疑。
但係一個品牌前景唔明朗、唔樂觀。
咁就............好難再加碼、再俾錢呢個牌子囉！

Contax已經係一個好例子！Ｏ記，U know!?

Blueman

傳聞的Olympus E-500 & E-3

2005年8月26日
乙酉年七月廿三
傍晚

〈相機〉
尋晚，同左工友恆仔行尖咀睇相機。
食飯其間，大家吹水講下相機經。
結論：DSLR system發展太快，投資太大。
都係個句：量力而為！

上網瀏覽相機吹水區，
有網友話：Ｏ記會過多幾日會宣佈推出起低檔機種Ｅ﹣５００及E-1後繼機E-3。
我老Blue相信，不論傳聞真與否，E-3售價應該係咁多牌子頂級機中最平既一部卦？（如果價格set到二、三萬？真係?阿水買囉！）
咁有乜期望？有！
老Blue最希望E-3有千二萬像數（印A3plus size應該好理想）
、繼續有防水除塵外加上有防震（聽天文台講出年會勁多大雨日子喎！）
、加強AF速度及範圍（拍snap shot，著數Ｄ！）
、加大RAW拍攝buffer（唔駛拍拍下又等save，唔駛煩！）。

買埋三枝銀圈鏡..........咁就好理想囉！

(喂！老Blue.......量力而為呀！）

Blueman

Canon 5D的感想

2005年8月24日
乙酉年七月二十
夜

〈相機〉
８月２２日，正如網上傳聞一樣，
Canon公佈最新DSLR EOS 5D，
一部全球議論紛紛的一部全片幅DSLR。

首先，Canon 5D的確對相機業界帶來震撼。
其他品牌會如何對應？尤其宿敵Nikon?
第二，我所了解英文Full frame並不等如Full size！
Full Frame講求整個相機系統配合。
Full Size只形容Sensor合乎３５mm系統(24X36mm)的總面積。
網上已有不少網友為此而爭論不休。
第三，最重要以售價約三萬的全片幅機身，是否物有所值呢？

我老Blue雖然用緊4/3 system,
到今日為止，都好滿意部Ｅ﹣３００出來的質素。
全片幅是否會帶來更好質素，仍有待觀察。
不過，身為O記用戶或多或少開始擔心O記前景...................

Blueman

下雨天的奇想

2005年8月20日
乙酉年七月十六
凌晨

〈攝影〉
身為香港人，大家為口奔馳，勞勞碌碌。
我老Blue都唔例外。
所以難得有假期，通常都會外出映下相。

無奈，近月天氣經常落雨。
前幾日，正值老Blue放假，又落雨。
但映癮大發，不甘心，擔住把遮出街碰碰運氣！

係就係有映到相，不過幾狼狽咁囉！
擔住把遮，又要顧住部相機.............
如果有部E-1防水性能既相機就乜野天氣都唔驚囉！

不過，到時又會唔落雨都出去映相呢？

Blueman

Photoshop CS2參考書

2005年8月17日
乙酉年七月十三日
傍晚

〈電腦〉
今日天氣時晴時雨，
但難得有整日假期，點都出街行下！

好耐無落過灣仔區，順道睇下有無有關CS2的參考書？
好意外，去到298俾我見到上奇出左本﹣Adobe Photoshop CS2-影像原力。
屬於工具書系列。
基本上有關軟件的參考書，
大致上分兩類：有關基礎入門的工具及進階「秘技」。
正好書中所講，
當中多達22組工具列、總數達58個工具,
畢竟Photoshop巳發展到第十代。

要充分了解整個PS CS2，非有一本工具書旁身不可！
希望儘快消化，步入進階行列！

Blueman

MSM-04 ACGUY

2005年8月14日
乙酉年七月初九
夜

〈模型〉
今日行街去到模型舖，
卒之見到期待以久的高達模型﹣HCM Pro MSM-04 ACGUY（魔龜）。
細緻度、關節度不下於前作MS-07S 魔蟹！
不經不覺，HCM Pro已經買下買下有成十幾隻。

真係好似廣告話齍：世界太大，屋企太細！

Blueman

消息抄作

2005年8月13日
乙酉年七月初八
凌晨

〈相機〉
天文台掛出一號風球的凌晨。

近日，網上不斷傳出有關Canon八月會推出定價低於三萬的全片幅DSLR。
惹來極大迴響。
我老Blue呢個消息對我影響不大，
第一，我懷疑呢個消息真確性？
第二，現階段我用緊E-300，問題不大，全片幅對我映相係咪咁重要呢？ 我仲未知？

奇怪既係好多網上影友喜好抄作新相機消息為樂？
仿如股票市場，消息抄得越高，買得越「柑」！

我老Blue一直緊持相機始終係一件工具。
量力而為，切合所需。

Blueman

古巴音樂下的疲累

2005年8月10日
乙酉年七月初八
早上

〈個人〉
開著唱機，邊聽著古巴音樂，邊寫這篇充滿疲累的日誌。

事緣尋晚返通宵，工作並唔順利，仲係極之「惡鯁 」個隻！
究竟工作多左，還是自己已步入中年，
體能已經再唔係十八廿二。
捱一晚多麻煩野既通宵更，已經有頂唔順既感覺。
學工友「神 」話齍：返通宵，減壽！

真係有Ｄ擔心自己能唔能完成未來「十年計畫」。

不然，就好似工友 「契」、工友Ｐ咁，
年紀一大未必將工作應付自如.................. :<

年紀輕的朋友，好好安排自己的未來！

Blueman

相機與電腦

2005年8月9日
乙酉年七月初九
傍晚

〈攝影〉
近日，公司有女工友Ｍ有意買DSLR，
但係需要同家人分享。
問題來了。
因為聽工友Ｍ講佢家人雖喜愛攝影多年，屬於傳統影友。
但對電腦應用乃有限公司。

工友Ｍ雖有意買DSLR，
但又擔心家人對電腦有所抗拒，有感難以得到平衡喎！

其實，好似工友Ｍ既問題，
好多影友都有，我以前都有！
有Ｄ朋友，佢攝影功夫相當不錯，但一遇到電腦處理後制就頭痕！！！
有Ｄ朋友，佢電腦功夫相當不錯，但攝影基本技巧不足，迷信器材、後制，
有感作品內容流於表面，心情有點不快。

問題係有方法解決。
有關電腦圖像，坊間有好多參考書可供選擇。
至於攝影課程，我老Blue推廌官塘職訓。

大家一齊享受從學習中得到成果的樂趣吧！
互勉之！ ^_^

Blueman

Leica DMR

2005年8月8日
乙酉年七月初三
凌晨

〈相機〉
心血來潮，上網睇下有冇Leica DMR (Digital Module-R) sample?

原來官方七月尾已經登左四張咁大把DMR既sample出來，
即刻download睇下。
睇完，感覺並唔強烈，好普通！

過左陣，好無聊咁開番自己E-300映個Ｄ相，
有Ｄ唔妥？E-300 100% 已經散散地，
但係睇番DMR sample 100% 仲清?可見....................

跟住再上網，睇下有冇富?買左DMR而有sample睇下先？
華人網區有兩位大哥買左！！！
老實講，相既內容就普通左少少，
但係，尤於post多數係街頭snap，
反而，題材多樣化，
表現到Leica 鏡色彩、立體感！
尤其低光度既表現。

DSLR 16Bit color的威力。
「價值連城 」的單機機背！

＊＿＊！

Blueman

KM 5D防震派貨

2005年8月6日
乙酉年七月初二
夜

〈個人〉
今日放假，訓足十二個鐘。
下晝，約左工友食飯前，
經過旺角「銀城廣場」做fashion show，
咁橋自己又帶左DSLR出街，親墟一番。

〈相機〉
食完飯後，同工友Ｋ經過「雙城 」，
見到傳聞已久的KM 5D有貨買，索價$6680 KIT SETS。
有現貨，即時撚下。
操作介面簡單易明，
AF反應快?。
開啟「防震」功能一試，1/10s都好清?。
我老Blue點睇？
KM呢部「防震」機的確帶來入門級一定衝擊。
Canon、Nikon用有大量用?，相信影響不大。
反而市場佔有率不高的Olympus、Pentax形勢並不樂觀。

期待十月Photokina...............

Blueman

Prosumer DC是否夕陽？

2005年8月4日
乙酉年六月三十
中午

〈相機〉
呢幾日，上網睇到好多新機出！
不過，並唔係DSLR，大多數係DC仔。
其中比較矚目係三款Prosumer級別DC。
Panasonic FZ-30
Fujifilm FinePix S9000
Kodak EasyShare P880
三部都標榜高像素、多倍數變焦、提供Raw拍攝等等。
如果問我老Blue點睇？
三部平均索價四、五千港銀！
由於以上三個品牌，可能無意向、無能力，
難以短時間投放資源大量生產DSLR的關係？
只能推出「近似 」DSLR的產品。
有點力勉狂瀾之勢。
因為大勢係入門級DSLR!!!

市場好現實，越貼近消費者意願、慾望的產品才是嬴家！

個人覺得Prosumer DC只是推向DSLR普及化的過渡產品已矣。

Blueman

老友恆仔新作

2005 年8月3日
乙酉年六月廿九
上午

〈個人〉
好友恆仔前幾日起老家澳洲返來。
映左少少相。
隊左上網，叫我老Blue睇。
今次玩街頭、旅行相；
雖然唔算多，不乏精彩作品。

講起呢位老友，玩相機唔算好耐，一年都唔夠。
主力拍攝運動項目，作品有版有眼，亦見有心機、有進步。
完全睇到個人多映、多睇、多問的功夫。

期望恆仔更多作品俾我地睇啦！

Blueman