多謝支持

2005年11月30日
乙酉年十月廿九
夜

〈時事〉
前日開始，我老Blue由泰國返到香港之後，
各大小傳媒都對「普選」議論紛紛。
我老Blue淨係覺得以前香港係一個不折不扣的商業社會，
唔知點解呢幾年多左好多政治聲音（包括自己工作環境），
但係生活環境唔見得好左？
乜野因？乜野果？

〈個人〉
我老Blue自從用左付費網上相簿之後，
可以無限制咁上傳圖片，自覺好好用，物有所值。
亦可以同朋友分享！
起呢到再三多謝咁多位瀏覽過小弟相簿既朋友們！
根據相簿瀏覽紀錄，
10月份訪客單日平均人次為19.7人次，點擊單日平均次數為134次。
即月（11月剛截止）訪客單日平均人次為40人次，點擊單日平均次數為492.1次。
訪客比上個月升幅達203巴仙；點擊升幅達367巴仙。感動........ ^_^
回想以前學攝影，學習及分享十分視乎個人圈子或認識朋友多寡。
隨著科技、資訊發展，個人圈子亦得以擴?。
但亦可能變成「電車男」都未定？
(我老媽食飯個陣已經睇電視由無記?睇亞視英文台，
但係佢唔識英文.....)

今時今日，到底自己應該抗拒科技、接受科技還是領先科技？
香港人究竟上街緊要？還是開飯緊要？
原地踏步還是踏一大步呢？

Blueman

電腦技術支援

2005年11月29日
乙酉年十月廿八
凌晨

〈個人〉
我老Blue放左成個禮拜假，
今日返工有Ｄ回歸現實既感覺！
由於自己工作屬空運業，兼且輪班制。
只須睇時間返工接更就得！

但有時接更都幾講有冇運？
好似今日咁，原本返到公司接夜更，
睇見個場幾好咁！上更交個靚場。
但係做做下，下半場有Ｄ唔對勁？
部腦其中一個System(公司部腦工作須要同時使用兩個不同平台）又發脾氣！
下下指令都要等，仲要好多時拒絕回應個隻。
咁樣唔係辦法喎，唯有Call公司電腦支援攪攪！

唔知係我老Blue太耐無返工定還是支援個邊有新同事？
仲問返我應該點做？乜唔係支援你呢邊去找人解決咩？
如是者擾擾攘攘一輪之後，都係得個吉！
仲要攪到我老Blue要成夜晚九點幾先食都餐飯.............

食完飯之後，仲開心！
隔離個位同事連佢個邊災情一樣，要manual做喎！
睇場掃把（Supervisor）“工友全“見狀況咁樣，成個人愁哂，跟住大大力咁對住自己張檯面，
媽叉班支援幾分鐘！工友全一向俾人感覺斯文有禮，
可見呢件事令到佢幾咁勞氣。
希望班支援咁樣俾人向背後咁媽叉法無傷風啦？

最後，差唔多我老Blue收工先至fix problem！
不過，我下更唔好彩囉！

由呢件事可以見到好多時，
有時做野，除左講自己有冇本事之外，
「運」都好重要！

唯有經常保持平常心.......... ^_^

Blueman

短暫的泰國假期

2005年11月27日
乙酉年十月廿六
夜

〈個人〉
無寫日記幾日，因為我老Blue起上個體拜去左泰國玩。

自己對上個次出埠已經係兩年零八個月前既事。
今次適逢有幾個工友去泰國，跟大隊已矣！
我老Blue無出埠咁耐，真係有點大鄉里出城。
去左兩日Pattaya加五日Bangkok頭搭尾共七日，
可能好多人會有七日假期而選擇去Ｄ較遠既地方。
但係，我老Blue淨係想揀一個自己比較熟悉既地方休息下就算............

起呢七日裡面，除左吃喝玩樂之外，無刻意安排自己去某某地方，
完全渡假Feel！

「吃」，
好高興，今次可以同朋友食餐好，包括品嚐過泰、中、西、日菜式，
有去過高級食府，亦試過同朋友坐街邊大排檔，相當滿足！

「喝」，
經朋友B介紹一個香港人決定起曼谷發展的新朋友，
帶我老Blue去左有曼谷「蘭桂芳」之稱RCA(Royal Cathay Revenue)。
幾年前，我老Blue都有去過，今次重臨舊地，別有一番新景像！
格調高級左，保安嚴密左（當地人須出示新份證及年滿二十歲以上，外地人須出示護照及搜身以防有攻擊性武器等），
氣氛亦相當熱鬧，當中亦見不少當地人打扮入時，斯文有禮，明顯屬於新一代當地高消費群。

「玩」，
有兩日，
自己一個人拿住部相機，
首次搭曼谷地鐵，沿地鐵線落車好隨意咁映相，
感覺幾特別！

「樂」，
臨走前，
買左兩隻CD,
分別係當地著名女歌手﹣AMP,
以un-plugged手法演譯佢既舊歌；
另一隻組合叫Peacemaker，
歌曲清新明快，有點台灣的「優客李林」feel！

運數一。
有朋友A早我老Blue兩日返香港前一晚，
一行三人一齊搭的士，落車個位須要早返香港的朋友A離開的士後，
大叫：漏左本護照起的士！
嘩！乜咁大鑊呀！
二話不說，三人回身由街頭追到街尾，
睇下見唔見剛才個架的士啦！
結果，跑到街頭已經無影無?，
跟住兩位朋友火速跑上另一架的士，
試圖沿路見唔見架的士；
而我老Blue唔知點解無跟佢地上車？
只係用手勢示意用手電聯絡，
之後，我老Blue沿舊路返去落車處等佢地............
未幾，另一位朋友B來電，話沿途唔見個架的士？
建議我原地「搏」個的士佬好心返?頭！
唔知點解？心血來潮，覺得個的士佬係會返?頭找我地？
大約十分鐘，奇蹟出現！
有架電單車仔同埋之前「個」個的士佬真係帶埋本護照返來！！

運數二。
原本我老Blue同朋友計畫去蘇梅島，
但因機票、住宿問價後，超出預算，
先改去Pattay、Bangkok。
前日先知蘇梅島發生大水災！
出入不可個隻...........

Do you belive it or not?

珍惜眼前人，
世事無常。

Blueman

CUBEE BOX

2005年11月20日
乙酉年十月十九
夜

〈模型〉
下午，我老Blue為左應付數量日多的SD高達模型，
去左玩具鋪買左1set日本設計既dispaly盒﹣CUBEE BOX。
之前自己都買過一個細盒，
今次一口氣買左兩個大size盒。

可惜，買完返到屋企即刻開盒試裝啦！
誰不知每個大size盒只能夠裝三個SD高達模型.......
斃！計下計下自己總共有成九個咁多未有display盒！！
換句說話，直係總要用多三個大display盒

似乎為左玩模型，
真係要重新執清間房先得，
如果唔係砌完都無位擺囉！

Blueman

天氣涼了

2005年11月20日
乙酉年十月十九
凌晨

〈個人〉
呢兩日天氣終於開始?涼了，
氣?降至十三度，
相當清涼！

今日我老Blue一個人起屋企，
除左整理後日出門大小事項外，
砌左一、兩副模型外，
突然間，自己覺得仲有好多時間用咁！
唔知係咪自己太耐無放過假既關係？

距離2006尚有一個多月時間，
自己原先年頭計劃有一大堆。
相當可笑，到今日為止只完成一至兩成..........

天氣涼了，
心都涼埋。

Blueman

第二個長假期

2005年11月19日
乙酉年十月十八
凌晨

〈個人〉
今日，我老Blue開始左我2005年第二個長假期。
真係有Ｄ興奮，
因為對上個次大假已經係七月既事！

今次呢個大假計劃同幾個工友去一?曼谷行開下。
本來打算去遠Ｄ既，
可惜銀根有限，
唯有記望明年先打算。
兼且，自己基本上今次出門純綷休息！

的確，呢輪工作忙得要命，
係時候「叉電」，回一回氣！

Blueman

MIG 西班牙舊化粉

2005年11月15日
乙酉年十月十四
夜

〈模型〉
今日下晝落旺角食茶餐，
順便去模型鋪買左一隻西班牙舊化粉。
返到屋企，拿拿?將尋晚剛剛完成既SD高達-RX-78-2。
呢隻舊化粉同「孖星」有Ｄ唔同，
粉身比較乾，質感有Ｄ似起雜貨鋪見到個D咖哩粉。
無孖星個種「立」，好容易上色，
輕重亦好更容易控制。
上完質感好「自然」！
好值得推介俾高要求既模型玩家。

今晚我老Blue好順利咁完成左兩隻SD-Gundam。
除左砌模型既流程比較熟習左之外，
好既工具亦好重要，
工欲善其事，必先利其器！

Blueman

第二期模型存貨

2005年11月14日
乙酉年十月十三
凌晨

〈個人〉
自從我老Blue上載左第一輯模型相之後，
起到多謝各方好友支持及給予寶貴意見俾細佬我。
令到下一輯相希望有更好效果！

〈模型〉
經過一輪練習之後，
我老Blue又著手開始下一輪模型存貨埋手。
呢兩晚，開始砌左兩副SD Gundam:GP01Fb & Zeta Gundam。
尤於模型屬於1999年產品，
部件及組合亦繁複左唔少。
已經並唔可以話用三幾個字時間就砌完個隻！
但從早期到1999年的製作，
可見Bandai係一間不斷進步既公司。

自己如果今年有時間完成哂所有SD-Gundam存貨，
希望可以開始砌番隻MG版玩下！
不過，先整理下自己間「柴房」空間，
丟左Ｄ無謂野先！

Blueman

星之繼承者

2005年11月11日
乙酉年十月初九
凌晨

〈動畫〉
11月10日，
中午，趁返工前，
走左去睇Z-Gundam電影版第一部：星之繼承者。
雖然呢套電影版係電視版「數碼修複」，即抄冷飯！
但因為我老Blue身為高達迷，
連名作Z-Gundam未睇過，就有點兒那個！

睇完之後，質素好明顯唔多討好，
最弊係因為加左「少許」新畫鏡頭，
完全好大對比。
唔知好彩定唔好彩？
由於我老Blue之前未睇過既關係，
劇情「修剪」得頗為?順。
呢樣比預期中好！

有工友問我，Z-Gundam同最新既Gundam Seed比較？
各有各好，畢竟除左名字用上高達之外，
兩者故事及世界觀都好唔同，
不過，呢一排我老Blue滿腦子全部高達就真！
Freedom@@

Blueman

GUNDAM SEED DESTINY閱後感

2005年11月9日
乙酉年十月初八
夜

〈動畫〉
呢幾日我老Blue的空餘時間真係用到足！
尋日，終於將首批Q版高達模型映哂兼post上網！

剛剛亦都煲哂五十集既超人氣動畫﹣Gundam Seed Destiny！
的確近年不可錯過既機械人動畫作品。
雖然自己仲未睇過十多年前勁作Z GUNDAM & ZZ GUNDAM。
但由大機械人動畫來講，
由第一部Seed到續篇Seed Destiny，
我相信同名作Z Gundam不大相同，
衹少兩輯Seed兩位主角由頭帶到尾！
兼且主角心態變化相當立體！
不過，續篇尾段略為拖戲。
衹少有成三集戲係「集體回憶」，
攪到要玩fast forward，幾無癮！

但係，兩輯Seed一百集動畫長劇以內容來講，
總好過睇「無?」廢劇！

好期待BANDAI會唔會出MG VER 2.0 Freedom Gundam！

Blueman

假期

2005年11月4日
乙酉年十月初三
凌晨

〈個人〉
11月2日，
我老Blue放左一日假，
做左好多之前安排左既節目俾自己。
包括噴左兩副模型，整理番十幾隻舊模型仔；
之後Set哂燈映哂十幾隻模型，
最後，忍唔住手過埋落部腦，
當然，執埋相...........
就係咁已經係11月3日既凌晨5點幾！
仲辛苦過返工？
我老Blue就係D咁既人，
總之要攪到自己懶係忙先安樂個隻人！
天生辛苦命？還是唔知辛苦？

〈動畫〉
剛剛睇左Gundam Seed Destiny 1~15集，
到現時呢刻為止，
尤於劇情緊接上一輯，
兼且比上一輯緊湊，
尤其第14集，講到上一輯主角「基拉大和」，
駕駛Freedom Gundam重出江湖，
好有武俠小說feel，好勁！！
唔追唔得！！

Blueman

Nikon D-200面世

2005年11月2日
乙酉年十月初一
凌晨

〈相機〉
傳聞已久既Nikon D-200終於宣佈面世。
我老Blue上網睇完之後，
覺得D-200由定價到規格都好吸引兼實在。
當中令我老Blue有興趣係D-200沿用CCD，
加上可用上有測光功能的Ai鏡頭！

不過，我更期待O記下一部新機（E-1後繼機）！

〈動畫〉
尋晚，睇左幾集Gundam Seed Destiny。
故事延續上一輯，人物除左舊角式之外，
更加入左唔少新人物新勢力，
真係無睇過上一輯既朋友而睇，
絕對唔知講緊乜？
暫時，都幾喜歡故事節奏，
希望睇到尾會有驚喜！

Blueman

清理模型盒

2005年11月1日
乙酉年九月三十
凌晨

〈模型〉
我老Blue玩左模型之後，
同大多模型友一樣，
面對一盒又一盒有新有舊既模型，
新既無得好講，唯有盡量?位「攝」。
砌完既舊模型盒又唔捨得掉，積下積下都成十幾個吉盒？
點算？

結果，出界刀！
淨係界左個封面出來，同埋留返份說明書就算。
跟住用個File裝起哂佢，幾方便。
咁樣又可以慳番唔少空間！

騎騎！又可以繼續買啦！

今日經過模型鋪，
卒之見到傳聞已久既﹣RX-178 Gundam MKII (MG ver 2.0)!!
但係自己未有信心砌住。
等我老Blue砌埋個「炸」SD-Gundam先！:)

〈動畫〉
途經信和，終於見到Gundam Seed Destiny DVD Box Set！
睇怕來跟呢排有排忙，有要返工、有要煲碟、有要砌模型...................

Blueman