一年戰爭秘錄

2006年4月30日
丙戌年三月初三
夜

〈動畫〉
今日我老Blue放假，
當然留起屋企砌模型。
到依家為止，暫時只係完成第二隻MG-MS-06F/J 渣古大半個工程。
希望聽日可以完成哂啦！

但係晏晝既時候，出左去旺角食茶餐。
同時經過信和既時候，
俾我見到有套高達既DVD-
"MOBILE SUIT GUNDAM-MS IGLOO“。
呢套以一年戰爭為背景作主題既CG動畫，
暫時出左三集。
返左屋企睇左頭一集，CG做得唔錯，
故仔唔算太悶，不過人物就生硬左。
但係「主菜」戰爭場口處理得幾好！

今晚睇怕煲埋佢先訓教囉！

Blueman

中年人看高達

2006年4月30日
丙戌年四月初三
凌晨

〈動畫〉
4月29日，今日我老Blue返夜班。
同工友、同事們由模型講到高達動畫，
當中包括K5、譚工友、廖工友、艦長等中年人。
如果超過三十歲以上既朋友必定童年時會睇過「元祖」高達呢套動畫。
所以，「一年戰爭」可以講話係我呢代人喜愛高達既集體回憶！

大家不約同對往後既高達動畫始終超越唔到「一年戰爭」呢套經典。
不過，其中同事﹣艦長就好好奇咁問我點解呢家咁多人講SEED？
我因為睇過最新既GUNDAM SEED/GUNDAM SEED DESTINY。
就有唔同既意見，
正如上述咁講，「一年戰爭」個期係屬於我呢三、四十歲既年紀。
之於「SEED」就正正屬於新一代年青朋友。
但係，我覺得「SEED」故事及各方面既設定反而係我心目中既理想高達動畫喎！
咁我老Blue算係中年定年青先？

不過，佢地就對SEED無乜興趣囉！
究竟係偏見定人大左唔再有呢份童心睇動畫呢？
唔知大家中年朋友亦係咪一樣呢？
不妨討論下！

Blueman

MG13 模型攝影計畫始動

2006年4月29日
丙戌年四月初二
凌晨

〈計畫〉
前日，我老Blue做左張模型合成相之後，
得到前校友﹣家雄、網友﹣大雄及廖工友給予寶貴意件及支持，
在此向咁多位大佬講聲：多謝！

呢D鼓勵的確增加左我老Blue計畫以高達模型作攝影主題既信心！
問題係自己係咪真係完成到呢？
同埋有無咁多時間處理呢？
同之前提過計畫以高達MG模型作主題，
週邊有機會用埋EX版高達模型及軍事模型作配襯。
加上以不同主題作串連，配以Photoshop作修飾。
整輯相集共分13個主題，
所以模型角式及攝影素材都要好多好多。
相信係我繼用兩年時間還咭數之外，
呢次會更耕苦既項目。
不同之處，前者係教訓，後者係興趣！

暫定計畫名稱叫做：MG13，
意思係用MG模型做13個攝影主題。
我粗略估計大大話話要用三年時間先可以完成....

Blueman

壞機

2006年4月28日
丙戌年四月一日
凌晨

〈電子產品〉
4月27日，呢日返早。
原本打算同工友去睇“黑社會﹣以和為貴“。
可惜大家起地點方面達唔到共悉，唯有作罷。
結果，變左同另外兩個工友食飯，
大家有傾有講，亦係樂趣。

呢排好奇怪，唔知乜野原因。
自己連同好多工友，好巧合咁唔係壞呢樣就係衰個樣，
總係唔等用都唔出事個隻。
好似我咁唔打算執相，個Photoshop唔會鬧「過期」；
工友恆仔好日唔出外映咁多相，最緊個日佢部用來過相既數位相簿失效；
工友臭蕉打算為佢就出世既BB映相，點知佢部買左唔夠兩年既DC仔壞左；
工友譚生長期玩BT，突然今日同我地講佢部PC入面個IE俾黑客「騎劫」左？
但亦都上屬呢D事，
大家又發生左唔同既應對或轉用左新產品。

世事就係咁，往往就起你最需要既時候唔出現！
但有時往往又帶俾你驚喜！！
咁究竟係命運還是因果呢？

Blueman

高達模型合成作品

2006年4月26日
丙戌年三月廿九
夜

〈攝影〉
尋晚，寫完Blog之後正想開過CS2執相之際，
個CS2突然發脾氣，玩罷工！！！
攪到我一路睇24、一邊上網找「支援」，好擒下！

經過一個通宵既「支援」下，今日終於攪番正個CS2。
跟住開番尋日去大埔D相來睇，
手痕痕之下，試下學日本攝影家﹣田島照久，
開個CS2玩我老Blue第一個MG模型。

在全無經驗之下，左試右試咁被個CS2玩左粒幾鐘。
最後，試左見得下人既版本俾家坊笑下！
舊渣古在大埔

大家不妨俾老Blue意見啦！
謝謝。

Blueman

大埔映相

2006年4月25日
丙戌年三月廿八
夜

〈攝影〉
今日我老Blue放假。
同左工友﹣K5、侯工友及譚工友相約去映相。

好耐無同佢地出去映下相咁囉！
今次我提議去下大埔海濱公園，
點解會有呢個提議？
由於呢排構思左高達模型攝影，
都好想趁呢排出去映下景，睇下遲D用唔用得著？

於是，諗起有次經過大埔海濱公園，
見過有舊叫回歸塔既東西，外型幾特別。
可能幾適合做我輯模型素材未定？

今日下午天氣唔係咁好，多雲有煙霞及薄霧。
正路極之唔適合拍攝風景呢類題材，
我就唔知佢地影成點？
但係，我就諗到好多好多位適合做我老Blue模型攝影素材，
不論高位、低位、遠景及近景都映左唔少。

希望呢一年可以做到第一輯高達模型寫真啦！

Blueman

串珠仔的模型組合

2006年4月25日
丙戌年三月廿八
凌晨

〈模型〉
尋日（4月24日），
我老Blue收完通宵返屋企訓。
因為呢日打算趕起隻MG版老虎，
起身之後，急不及待咁開工！

原本隻老虎砌淨雙腳及條電鞭。
心諗應該好快攪掂，估計仲可以攪埋其他MG....
可惜事與願違，雙腳無錯好快攪掂，
但係條電鞭比砌條動力管仲要麻煩好幾倍，
成條鞭若莫要串成四十幾粒珠仔，
幾經辛苦串完之後，又要將條好幼既包膠銅線串入去。
淨係咁樣，串串下之前個D珠仔又唔覺意咁跌番出來，
又要重新串過....

如是者串下跌下、串下跌下，
咁鬼樣攪左我老Blue成個幾鐘先砌好條鞭，吹漲！
真係每盒MG都有佢花時間既地方。
不過，砌起之後隻老虎無論造功及關節的確比前期MG-Zaku優勝。
MASTER GRADE無野講！！

依家買下買下都有十盒八盒MG起屋企，
呢輯模型相唔通真係要成三年時間先可以完成？

Blueman

砌模型時間

2006年4月23日
丙戌年三月廿六
夜

〈模型〉
今日，我老Blue返通宵班。

所以下晝有時間留起屋企砌模型，
由於時間關係，所以今日唔打算開泵噴油。
唯有繼續砌埋隻MS-07B GOUF（老虎），其實前日已經開左盒。
可惜MG模型部件相當有份量，
上次只係砌左上半身。
今日成個下晝兩點幾砌到夜晚七點幾都未砌哂，
只係砌左下半身及兩隻手咁大把！
咁就用左我老Blue成五個鐘頭咁劑。

如果，你想過下砌模型癮。
少時間可以揀BB高達（一至兩個鐘頭左右）；
有D時間可以揀HG高達（我未玩過，估計要三至四個鐘左右）；
好有時間可以揀MG高達（砌左幾個MG，一般衹少要十至十二個鐘頭....）；
極有時間緊係砌PG或1/35系列啦！！

不過，以上講緊既係淨組合成件模型時間，
未計其他工序如打磨、噴灰、上油及最後滲線、舊化等等！！

Blueman

MG MS-05B ZAKU I 完成

2006年4月21日
丙戌年三月廿四
凌晨

〈模型〉
4月20日，我老Blue呢日放假。
恆指逼近萬七點關口，交投又話破記錄，你地有無份呢？
我就匿起屋企繼續砌我既模型。

晏晝，花左D時間打磨左隻MS-06F/J渣古。
夜晚，食過飯後開始為我老Blue第一隻MG-MS-05B ZAKU I作最後工序，
就係上黑線及舊化。

由於太耐無做過上線，
結果，花左我四個鐘頭先至完成哂所有工夫。
依家擺左起檯面欣賞緊自己既作品，
雖然話哂第一次砌MG，
唔講得話好好，但係自己都滿足架！

一副咁既MG，只不過佰幾蚊。
的確係消磨時間及既經濟既玩意。
因為要有心機及耐性，大大話話都用左我十幾個工作小時先至攪掂！

下一個MG應該會攪埋隻MS-06F/J ZAKU II。

Blueman

MG舊渣古初形

2006年4月19日
丙戌年三月廿二
凌晨

〈模型〉
4月18日，
我老Blue原本打算早D起身噴埋隻MG舊渣古D武器既顏色。
可惜事與願違，因為前一晚同陳工友食宵夜食晏左，
攪到呢日好遲先起身。
不過，見到放起檯面上已噴好既組件，
忍唔住?左上半身來組合睇下上左色既效果係點樣？
唔錯！顏色配搭幾合心水，
跟住放返低出門返工。

希望今日可以早Ｄ起身，
可以同呢隻MG埋尾啦！

Blueman

國產噴筆

2006年4月18日
丙戌年三月廿一
下午

〈工具〉
我老Blue終於尋日又可以噴模型。
因為我已經放棄左枝噴筆，直頭聽廖工友唔好再換Parts，
去左旺角買左枝新既國產噴筆﹣0.2mm SPARKMAN AB1002，
只售三百大元左右，相當抵玩！

尋日，試過呢枝國貨，效果相當唔錯。
枝筆力度、密度及幼度都好易控制，
加上天氣比較干燥，
好快咁已經將隻MG舊渣上哂色，只欠武器未上色。
相信呢兩日會起到貨！
期待.....

Blueman

不可能的任務

2006年4月17日
丙戌年三月二十
凌晨

〈攝影〉
因為我老Blue枝噴筆壞左，搞到我件MG上色唔湯唔水，無計！
其實，攪左呢劑砌模型，除左一嘗模型癮之外。
以前起呢個Blog都提過為左玩模型攝影，
主要受田島久照本高達寫真集影響。

但係睇番佢既作品，除左令小弟起攝影有個新目標之外，
亦令我老Blue有汗顏。佢映模型實在太出色！！
自己呢個目標會唔會定得太高，
家陣連一個MG未完成到喎！
係咪應該放棄呢？
係咪求其砌下，過下鋪模型癮就算呢？

如果唔係，點樣向前人學習呢？
就係呢D一連串無謂問題不斷咁問自己？
答案當然係繼續啦！多餘！！

結果，由砌第一個MG舊渣古開始，
開始構思以攝影為主的大綱起自己腦入面，
攝影主題、模型個式揀選、點樣保留模型原有色調但又符合主題？
主題細節的模型以及切合主題的攝影背景等等一連串問題....
起我大腦不斷咁分解又組合、分解又組合。

初步攝影構思係模型做主角、配以實境加PS作加工及以某某古籍為內容。
單係計算要完成以上項目既MG模型大大話話可能動用超過三十隻，（因為只有MG模型結構及多種角式才可配合主題需要）
未計其他模型輔助品。
粗略估計以小弟家陣有限功力，砌一隻MG似模似樣既都要花十二工作小時，
三十隻咪要360小時，天呀！！
呢個構思有點不可能的任務咁.....

就係要諗諗點樣可以加快模型製作流程之得？

Blueman

噴筆

2004年4月16日
丙戌年三月十九
凌晨

〈模型〉
呢幾日天氣好反常，幾日前天氣回暖有成廿幾度，
可謂又熱又濕，尋日開始天氣一跌就跌到15度，
?差都相差幾大，估佢唔到！

砌模型一樣，原本打算尋晚（4月15日）為我老Blue第一個MG，
開泵上色。一開波枝噴筆已經窒下窒下，好唔正常咁啦！
諗住咁耐無用，唔通真係塞左？
好彩有見及此，前日走去買定一個新噴咀，
換左之後，仲衰噴到噴唔出！
係咪玩我呀？
拆完再換，換完再拆。
結果一樣都係噴唔出！
就係咁，最後搞到一點幾，唯有提早收工。

希望唔使咁快買過枝啦！
似乎我老Blue計畫既「田島化模型攝影集」比想像中仲要難！

Blueman

模型價格

2006年4月15日
丙戌年三月十八
早

〈模型〉
4月14日，呢日開始長達四日的復活節假期。
我老Blue今朝收通宵，從網上知道奧海城有高達模型promotion，
心諗走去睇下有無平貨執都好喎！？
訓醒之後，四點左右走過去，未到展覽攤位經過奧海城二期有間玩具鋪，
入去睇下，見到有好多高達MG版兼且好齊貨，
連好多「老茄」MG如早期吉姆、陸戰型吉姆都有，
有點意外及疑惑？
拎盒睇下價錢，喎！唔怪之得啦！
比旺角價高兩成咁多，邊有可能唔齊貨之得呀！
不過，如果件貨冷門兼好好想擁有，而對個兩成「溢價」無問題的話就無妨。

跟住行過去一期睇高達展覽，
嘩！見到個攤位買個D MG模型價錢仲離哂譜，
比旺角高出三成幾！！
我諗除左D濃烈愛心既老豆老母買俾D仔女外，
相信呢個價都幾難引到我呢類窮友模型玩家囉。

自從去年開始玩模型外，
據前工友﹣阿寒講俾我老Blue知，
原來我屋企樓下個兩間玩具鋪出名價平，
可能公共屋村平租卦，價錢比旺角平一至兩成。
不過由於屋村鋪位有限，入貨唔多兼且除左原居民買家外，
更有附近幾間學校學生及好似阿寒呢類「外來」買家爭貨！
好多時好快去貨之餘，
下一水貨可能要落名留貨咁誇張。

究竟香港賣模型平定買模型既玩家多呢？
天知道！？

Blueman

第二個MG-吉姆改

2006年4月13日
丙戌年三月十六
凌晨

〈模型〉
4月12日，今日放假。
繼續完成埋副舊渣MG，噴左「浸」底灰之後，
嘗試重組，雖然呢款舊渣﹣MS-05B ZAKU I屬於99年出品，
計正骨架應屬於95年MS-06 MG版本。
但未砌過MG的我，已經覺得出來既造形已經好正！
所以我已經好耐無在買HCM-Pro模型，
因為砌過1:100MG之後，覺得過百銀一盒1:200HCM-Pro好似幾唔抵下！
大大隻架駛好多！

由於隻舊渣噴左灰要「攤」多兩、三日乾透先可以上色。
於是趁今日有時間，即刻開左第二盒MG玩﹣RGM-79C GM（吉姆改），
繼上次砌舊渣嘗試親手刻線外，
今次嘗試跟模型雜誌以分割組件作分色用途，
好似做手術咁，用新買番來既微型模型鋸片，
一下一下咁鋸開原身某部份之後，
再可唔可組合返，得左！
咁就容易後期分色囉。
不枉我先幾日花左數百大洋入左批工具，
果然好駛好用。

暫時，組合左一半多D，
應該可以第二日用多些少時間，
可以組合哂卦？

懶理股市萬六點，我有我砌MG先！

Blueman

長谷川模型工具

長谷川模型工具
2006年4月11日
丙戌年三月十四
早

〈模型〉
4月10日，我老Blue放假。
呢日趁有時間，出左去多間模型鋪，
不過，今勻並唔係出去買模型，而係買有關製作模型既工具。

上幾日，自完成左首個MG組合之後，
嘗試用廿幾蚊既枝劃線筆及普通cutter刻線落隻模型到！
當然，效果並唔理想。
於是，今日把心一橫出去買一D比較理想既工具刀，
看過一D模型書有介紹過“長谷川﹣Hasegawa“呢個牌刻線工具系列。

尤於長谷川產品比較貴。
經過一輪巡鋪及比價之下，有好多刻線刀及刻線卡唔可以一間買哂，
都花左我老Blue唔少時間。

返到屋企，懷著戰戰競既心情開刀....

大約試左十幾分鐘，
呢Set長谷川工具無話可說，
一枝劃線筆、一枝開線筆及5 sets不同形狀及彎位既刻線卡，
雖然今鋪都駛左我幾舊水，
但係已經幫到我老Blue呢亭新手劃到心目中既刻線。
不過，用刀力度好多時過猛，並未得心應手。
呢方面仍需努力！

工具呢家野，真係一分價錢一分貨。

Blueman

眼高手底

2006年4月9日
丙戌年三月十二
凌晨

〈模型〉
4月8日，呢日我老Blue收通宵之後，
起左身拿拿?開工砌埋副舊渣MG。
經過左一晚奮戰，終於跟說明書上指示咁完成組裝，
玩模型我諗最過癮既過程莫過於組裝，
更可況由BB高達轉到玩MG,
更加大比較！

MG出名造模精細，活動範圍大。
但如上回Blog自己提過，想加點心思落去，
就係發覺原身MG版舊渣刻線位比較單調。
自己諗不如加D輔線，感覺會更實在D。

就係咁，小試牛刀開始學人咁刻線上去。
起D舊既模型輔件作練習，一刀一刀咁試......
嘩！果然比想像中仲難控制用刀既力度！
有想過放棄原先自己既設計。
最後，再比多次機會自己再試，
如是者翻複練習之後，開始實戰，
一刀一刀咁慢慢刻落去隻舊渣手臂到。
效果並不太理想，又一次証明自己眼高手底。
不過，都係一個新嘗試！

過多兩日，當組件完全固定哂之後，
自己再考慮需唔需要繼續啦！

Blueman

首個MG始動

2006年4月7日
丙戌年三初十
早

〈模型〉
尋日（4月6日）下晝，我老Blue落左旺角買左D有關砌模型既工具。
開始左砌人生第一個MG版高達模型，
不過並唔係高達，而係MS-05B ZAKU I，
原因驚自己砌得肉酸，所以砌個「僂儸」角式好D。

點解會砌模型？其實同攝影都好有關係。
自從去年買左本田島久照出既高達模型寫真集，深深感動！
心諗自己可唔可學人咁玩呢？
於是，由去年中開始學人砌模型，先由最基本BB高達開始練習，
直至前幾日，終於清理好間房，好有足夠空間擺模型，
呢日，開始左動工砌第一個MG。

但係睇過Bandai Manager/Business Strategy-Katsumi Kawaguchi（川口克己）
的訪問，其中一段說話：你依說明書來造的話，誰來造也一樣......應多樣化.....有不同風格.....
於是，我就從呢點諗點樣起有限功力之下，
創造有我老Blue自己風格的MG模型呢？

就係咁自己影印左好多原圖既影印本，
不斷繪畫出唔同少改動又可行既版本出來，
結果做唔做唔到？

試左先算，衰左咪當經驗囉！
無壞既！ ^_^.....

Blueman

他信落台

2006年4月6日
丙戌年三月初九
凌晨

〈時事〉
尋日三月初八，時日清明為公眾假期。
但係我老Blue依然要開工，有關清明家事亦好幾日前同家母辦好。
由於公眾假期關係，加上呢日工作崗位同工友轉左，
工作量比平日來得輕鬆！

到左食飯時間，同工友﹣熊人傾開最近泰國局勢。
因為4月4日，新聞傳來現任泰國總理﹣他信見完泰王之後，
起電視宣佈辭職，非常突然！
點解我老Blue會提呢單野？
無他，自己數出外旅遊，數去得最多正正是泰國呢個地方。
或多或少，對呢個國家存有好感，
都好希望呢次泰國政治危機，
好快咁得到和平解決。

有時見公司同事口和心不和，時時為小小事動氣！
現今世界已經全球化，
如果連嘈交都全球化就好大件事。
大家同一天空下，
以和為貴！

Blueman

執房作戰（二）

2006年4月3日
丙戌年三月初六
下午

〈個人〉
今日，我老Blue放假一天。
主要節目如題繼續執房，經過兩個鐘頭苦幹，
終於將個大企身書櫃大翻身，模型、書刊、CD及其他雜項分門別類擺好哂！
自己入到間房醒神左。
依家只係淨番D手尾，包括買過D儲物膠箱裝雜物。
咁就可以重新投入砌模型！

〈模型〉
前日，經過模型鋪買左兩副MG，包括係舊渣古及紅吉母。
因呢副唔算熱門貨，價錢都算最平個隻，
初初砌MG最適合不過，砌喎左都唔心痛嘛！
不過，睇過說明書發覺早期MG，夾口位都好多下，
似乎都要花唔少時間先完成。

Blueman

法國學生示威一談

2006年4月1日
丙戌年三月初四
夜

〈工作〉
尋晚，我老Blue返通宵。
其間，我開著PMP聽MP3，邊做邊聽。
呢更拍住同事﹣張仔，佢就聽收音機，各自修行。
其間，佢聽到法國大學生因為新法廿六歲以下，可以兩年隨時遭僱主解僱一事。
大表同情學生兼痛?此「惡法」，勞氣非常！

佢問我老Blue點睇？
我亦都好同情班學生，
不過，自己亦經過呢個年紀，
雖然唔知道法國個邊褔利去到乜野地步，
但係，好細細個出來打工知道一樣野，
自身工作本份做得好，做老細未必會加你人工，但係佢會驚你走！
自身工作推閃?側側膊，係老細都想抄左你啦！

但係以張仔幾廿歲人，做野無問題。
不過有兒有女兼供緊樓，
入左公司成十幾廿年，出邊乜野世界轉得咁快，
我老Blue相信佢唔係咁了解？
加上性格守舊抗拒新事物，的確或多或少產生危機感！
不過，奇怪係工作上叫佢上網睇資料又話公司無培訓（乜上網要培訓架？）！
返夜班佢就識上網睇波盤？神唔神奇！

自己年近四十，希望遲D唔會好似佢咁既心態就好啦！
惟有睇多D Keroro，心景年青D啦！（定越來越幼稚左？）

Blueman